Lubina ó forno

É posible que estea facendo moitas cousas mal ou que estea estropeando a receita, pero estaba moi boa!

O QUE PRECISO: (2 Persoas)

2 Lubinas

4 Patacas medianas

Media cebola

Medio pemento bermello

1 Tomate maduro

3 dentes de allo

Perexil fresco

Pimenta

Medio limón

Un vaso de viño branco.

Aceite de oliva

Sal

COMO O FAGO:

-Lavo ben as lubinas debaixo do grifo (O pescadeiro xa mas deu limpas e sin escamas).

-Pelo as patacas e córtoas en lonchas delgadas.

-Fago o mesmo coa cebola.

-Corto o pemento en tiras.

-Nunha sartén con aceite fago un pouquiño as patacas e case ó final poño a cebola.

(Ter en conta que teñen que ir ó forno esto só é para  que lles de tempo a facerse).

-Nunha bandexa de forno unto o fondo con aceite de oliva. Poño enriba unha cama de patacas, cebola e os pimentos en tiras.  Coloco o tomate pelado cortado en rodelas ou en anacos. Añado un pouco de sal.

-Enriba coloco as lubinas. Salpimento.

- Añado o allo ben picadiño (...nesta ocasión o allo non estaba mui ben picadiño).

-Colócolles unhas rodelas de limón (ó gusto).

-Por enriba bótolles un vaso de viño branco.

-Póñolles perexil ben picado.

-Meto no forno quente a 150º unhos 50 minutos.

-Servir e listo!

NOTA: Sería tamén boa opción añadir uvas pasas (tipo corinto).

Imprimir artículo